Asociación de Amizade Galego-Cubana "Francisco Villamil".- Coa presenza do seu autor, o xornalista e escritor cubano Eddy Jiménez, vai ser presentado en Vigo o ensaio "A Revolución dos Camaleóns" da Editorial Corsarias, que inicia co traballo de Eddy a súa colección de ensaio.

A presentación do libro en Vigo está programada para o vindeiro dia 2 de xuño, Quinta Feira, ás 20.00 h., e terá lugar no salón de actos da Casa Galega da Cultura (Praza da Princesa). Nel participarán, amáis do autor, Valentín Alvite, presidente da Asociación de Amizade Galego-Cubana "Francisco Villamil" e Moncho Leal, directivo da mesma.

Relatando experiencias en primeira persoa, Eddy Jiménez descrebe en "A Revolución dos Camaleóns" o estado de opinión previo á deserción do socialismo de Estado e o oportunismo liquidador de moitos cargos políticos. Mais se unha abafante maioria da narrativa e do ensaio sobre o arriado do Muro ten unha inequívoca vocación liquidadora, o texto do autor cubano ten unha clara intención de denunciar os erros cometidos para preservar o socialismo.