Asociación de Amizade Galego-Cubana Francisco Villamil - Cubainformación.- Nun día luminoso conmemorouse na capital da Galiza, Santiago de Compostela, ao pé do monumento ao apóstolo da independencia cubana, o 171 natalicio de José Martí.

Organizado pola Asociación de Amizade Galego-Cubana Francisco Villamil, coa colaboración do Consulado Xeral de Cuba e o Concello da cidade, e coa asistencia de unhas 70 persoas, levouse a cabo unha sinxela homenaxe.

Comezou a actividade coa interpretación do himno cubano para a continuación fazer unha ofrenda floral do Concello e do Consulado de Cuba, xunto coas amigas e amigos de Cuba así como de residentes do país irmán na nosa terra.

A continuación tomaron a palabra Valentin Alvite en nome da asociación, o poeta Anxo Angueira, a poeta Andrea Nunes, a Consulesa de Cuba Annabel Lafargue e a Alcaldesa de Compostela Goretti Sanmartín.

Todos e todas elas glosaron a figura de Martí como político, escritor, poeta e pensador e trouxeron as súas ideas á actualidade reivindicando a vixencia de todas elas.

Por último interpretouse o himno galego.

Ofrenda floral do Consulado, xunto coas amigas e amigos de Cuba así como de residentes do país irmán na nosa terra

Ofrenda floral do Concello

Consul e Alcaldesa tras a ofrenda floral

Valentin Alvite, da Asociación de Amizade Galego-Cubana Francisco Villamil

Anxo Angueira, poeta

Andrea Nunes, poeta

Annabel Lafargue, consulesa de Cuba

Goretti Sanmartín, Alcaldesa de Compostela